सर्व प्रॉब्लेम चे एकच उत्तर-“आई”

हे ऐकून विद्या पण सरसावलीच. म्हणाली,” अगं तुझे तरी ठीक आहे. आमची ठकी तिकडे अमेरिकेत. वेळा वेगळ्या पण फोनचा प्रकार तोच . रात्री च्या वेळीच फोन .मनात आले की लगेच फोन. आणि पदार्थ पण नामी सुचतात. एकेक इकडे माझ्या हाताचे खाल्लेले तिकडे गेल्यावर आठवतात, मी करताना कधी डोकावली नाही, की उत्सुकताही दाखवली नाही .आणि आता , “आई पटकन सांग ना उकड कशी करतात आणि भाजणीचे वडे कसे करू?” आता हे कसं गं सांगणार? वडे तळण्याचा पण प्रॉब्लेम आणि उकडतर ताकाच्या आंबटपणावर अवलंबून असते. पाणी ताक उकळल्यावर पीठ का पेरता येणार आहे हिला? काय करते हरी जाणे, तरी मी पण सांगते जमेल तसं .”

सुषमा म्हणाली, “आमचं तर जरा वेगळंच!” तिच्या मुलीने पंजाबी मुलाशी लग्न केलंय ना ती असते पंजाबात. सुषमा सांगत होती, “परवा मला म्हणते कशी ,”मी यांना मोदक दाखवणार आहे अहो ,हिला तरी नीट वळता येतात का? नारळीभातNarali Bhat – Pack of 1(200G),पुरणपोळी,साबुदाणा खिचडी एक नी दोन. त्यांना म्हणे महाराष्ट्रीयन पदार्थ दाखवायचे आहेत शिवाय आंबाडाळ ,पन्हे…. हिला सुचतं पण एकेक ! यांना हे फोनवर कसं सांगणार आणि कसं दाखवणार? लगेच उत्तर तयार,”अग व्हिडिओ कॉल कर ना आणि साडी वगैरे जरा चांगली नेस हं… नाहीतर ड्रेस घाल”.. “कठीण ग बाई !सगळ ह्या शिकवणार आत्तापर्यंत आपण गबाळ्याच होतो जणू.