भिजलेल्या क्षणांना आठवणींची फोडणी ….

फोडणीचे सर्व घटक पदार्थ, म्हणजे मोहरी, हिंग, हळद, आरोग्याच्या खूप समस्या दूर करणारे आणि आपले सर्व गुणधर्म तेलात सामावून टोकणारे असतात. पोषक व आवश्यक घटक पदार्थ अत्यंत रुचकर स्वरूपात आपल्या पोटात जाण्यासाठी हा एक स्वयंपाक घरातील अन्न संस्कारच आहे  म्हणानां. मोहरी मध्ये आयर्न, कॅल्शियम, ओमेगा 3 फॅटी असिड आणि मॅग्नेशियम असते. मोहरी आरोग्याच्या बऱ्याच समस्या दूर करते .पोटाचे विकार दूर होतात, तसेच पचनक्रिया सुधारते. मोहरीचे तेल तर अनेक उपायी व अफाट फायद्याचे आहे .गरम तेलात मोहरी पडली की तडतडते व त्यातील तेल गरम तेलात मिसळते. मोहरी उष्ण, तर जिरे थंड. तेही पाचन तंत्र सुधारतेच व स्वाद आणि सुगंध पण वाढवते. त्याच बरोबर अॕनिमिया दूर करण्यासाठी व कॅल्शियम मिळण्यासाठी उपयुक्त असते. कधीतरी त्यात घातला जाणारा ओवा व खूपदा टाकली जाणारी लसूण हेही स्वाद आणणारे व वातनाशक आहेत. लसूण आणि हिंगाचे औषधी उपयोग बरेच आहेत. परंतू हे सगळे पदार्थ आपण जसेच्या तसे खाऊ शकत नाही तर फोडणीच्या माध्यमातून आणि योग्य प्रमाणात आपल्या पोटात सहज जातात.  मिरची आणि कढिपत्त्याचे तर काय, अगदी कढत तेलात स्वतःला होरपळून घेतात व स्वाद-सुगंध पदार्थाला देऊन खाणार्याने अलगद बाजूला काढून ठेवले, की कोपर्यात जाऊन बसतात.