Blog

नवी दृष्टी

Posted by

December 9, 2021

On August 21, 2021

पडलं बाई पार एकदाचं ते मोतिबिंदूच ऑपरेशन…टेन्शनच आलं होतं मला…सुमनकाकू त्यांच्या अमेरिकेतल्या त्यांच्या एकुलत्या एका मुलीशी…ऋचाशी बोलत होत्या

सगळं जर घाईघाईतच ठरवावं लागलं…तरी तू म्हणत होतीस तू आल्यावर करू…पण कॉविड मूळे सगळंच अनिश्चित…त्यात डॉक्टर म्हणले आता अजून उशीर नको…मग काय करणार…

ऋचालाही राहून राहून वाटत होतं की आपण आईजवळ असायला हवं होतं. दोन्ही डोळ्यांचं मोतिबिंदूच ऑपरेशन म्हणजे कमीत कमी आठवडाभर तरी गॅस जवळ जाता येणार नाही….आणि बाबांनी कधी स्वतःचा चहा पण स्वतः करून प्यायला नाही…बाहेरून आणून तरी किती खाणार…आणि त्यांना तर बाहेरचं जेवण मुळीच पसंत नाही…त्यात आईचा डायबिटीस…

आईला तिने विचारलंच… काय ग आई…जेवणाचं होतंय का manage… तशा सुमनकाकू खुदकन हसल्या…म्हणाल्या अग ते तर नवलच घडलं… जेव्हा ऑपरेशनचं

ठरलं आणि मला गॅसशी जात येणार नाही हे बाबांना कळून चुकलं… तेव्हा त्यांनी मोर्चा लढवयाचाच असं ठरवलंय …मग काय…लागले की कामाला…म्हणजे बेसिक मी त्यांना शिकवलं…फोडणी,कुकर वगैरे…करतात बुआ बायकोसाठी जमेल तसं…आणि अग तूच लिंक पाठवली होतीस ना त्यांना…धनश्रीच्या रेडी टू कूक प्रॉडक्ट्स ची…अगदी सोप्पी करायला आणि आपल्या चवीची…त्यामुळे त्यांचं अर्धं काम फत्ते….बर बाई तुला सगळं तिकडे बसून माहिती असतं… आता मी पण माझ्या मैत्रिणींना सांगणार आहे या rtc प्रॉडक्ट्स बद्दल…आणि तुलाही पाठवणार आहे त्यांचा दिवाळी फराळ…

तर अस आहे सगळं…आयुष्यात पहिल्यांदा नवऱ्याच्या हातचं मस्त गरम गरम जेवतीये… पण ऋचा मला बाबांचं पण कौतुक वाटतं हं… कधीही त्यांनी स्वयंपाकघरात पाऊल ठेवल नव्हतं…पण आता वेळ पडल्यावर एक वेगळ्या दृष्टीने त्यांनी हे सगळं स्वीकारलं आणि निभावल सुद्धा…

सगळं ऐकून ऋचा म्हणाली…तर एकूण काय…तू तुझ्या मोतीबिंदू एन्जॉय करतीयेस तर…पण खरंच..बाबा असं तुझ्यासाठी करतायत हे ऐकून मलापण खूप छान वाटलं…चला…मिहिका यायची वेळ झाली…ठेवते आता फोन

सुमनकाकूंनी फोन ठेवला…समोरच्या आरशात काळा चष्मा घातलेल्या स्वतःकडे बघून त्यांच्या मनात आलं… मोतिबिंदूने आपल्याला आपली दृष्टी तर परत मिळवून दिलीच…पण आपल्या नवऱ्यालाही मिळाली का….एक नवी दृष्टी

-दिप्ती

A renowned dentist and a doting mother with many accomplishments to her credit. Her new found love for words is bringing the best out her in form of Poems, blogs and paintings. Dipti has been awarded as the the ‘Best Associate Dentist Award at the Fandent Excellence Awards in dentistry 2019.